Сайт работает в тестовом режиме

Shaxsiy kabinetga o'tish

Biz bilan bog`lanish

"Hududgaz Farg`ona" GTF

Тabiiy va suyultirilgan gaz ta'minot korxonasi

...

Home/Янгиликлар/SUYULTIRILGAN GAZ XARIDI UCHUN TAQDIM ETILGAN ID-KARTADAN OQILONA FOYDALANISH LOZIM.

SUYULTIRILGAN GAZ XARIDI UCHUN TAQDIM ETILGAN ID-KARTADAN OQILONA FOYDALANISH LOZIM.

Publication date: 21.12.2022

0

SUYULTIRILGAN GAZ XARIDI UCHUN TAQDIM ETILGAN ID-KARTADAN OQILONA FOYDALANISH LOZIM.

Maishiy iste’mol uchun aholiga suyultirilgan gaz yetkazib berishning avtomatlashtirilgan tizimini joriy etish bo‘yicha “Hududgazta’minot” AJ tomonidan iste’molchilarga jami 3,5 mln dona ID-karta yetkazib berish ishlari jadallik bilan olib borilmoqda. Iste’molchilarning foydalanishidagi bo‘lgan jami 4,5 mln. dona maishiy gaz ballonlarga maxsus bar-kodli yorliqlar biriktirish ishlari yakuniy bosqichda.

Shuningdek, “E-Gaz” dasturi ishlab chiqilib, unda barcha iste’molchilar va maishiy gaz ballonlarning ro‘yxati shakllantirildi. Joylardagi “Hududgazta’minot” AJ bo‘limlaring suyultirilgan gaz ta’minoti yo‘nalishida faoliyat yuritayotgan ishchi-xodimlarning avtomatlashtirilgan tizim yuzasidan bilim-malakalarini oshirish maqsadida, o‘quv-seminarlar tashkil etildi.

Ma’lumot uchun yuqorida keltirilgan avtomatlashtirilgan tizim quyidagi qulayliklar o‘z ichiga oladi:

“Hududgazta’minot” AJning xizmat ko‘rsatish sohasida ilg‘or axborot texnologiyalarni joriy etish;
Suyultirilgan gazni aholiga yetkazib berishda shaffof to‘lov tizimi va hisobini muvofiqlashtirilgan yuritilishi orqali qo‘shimcha qulayliklar yaratish;
“Hududgazta’minot” AJning ko‘rsatgan xizmatlari uchun to‘lovlarni o‘z vaqtida va nazorat ostida amalga oshirilishini imkonini yaratish;
Avtomatlashtirilgan tizim amaldagi qog‘ozbozlikka bo‘lgan ehtiyojni yo‘q qiladi, eng asosiysi xizmat ko‘rsatish shaffofligiga salbiy ta’sir etuvchi inson omillarini oldini oladi.

Iste’molchilarni belgilangan muddatlarda uzluksiz suyultirilgan gaz bilan ta’minlash, aholi va gaz ta’minoti tashkilotlari o‘rtasidagi anglashmovchiliklarni oldini olish, zamonaviy texnologiyalarni tadbiq etgan holda qulayliklar yaratish, avtomatlashtirish jarayonini sifatli joriy etish hamda amalda o‘z natijalarini ko‘rsatishi uchun nafaqat gaz ta’minoti xodimlari, balki bevosita iste’molchilarning ham e’tibor va sa’y-harakatlari zarur.

Jumladan, iste’molchilarga birinchi marotaba yetkazib berilganda bepul taqdim etiluvchi ID-kartalardan ehtiyotkorlik bilan maqsadli foydalanishlari va ushbu kartalarni aslo uchinchi shaxslarga bermasliklari, shuningdek, foydalanishda bo‘lgan maishiy gaz ballonga biriktirilgan maxsus bar-kodli yorliqlarni asrash choralarini ko‘rish talab etiladi.

Manba: hududgaz.uz

15

лет на рынке

"Hududgaz Farg'ona" GTF
yo'nalish haritasi