Oʻzbekiston tumanida tabiiy gazdan oʻgʻrincha foydalangan ohak ishlab chiqarish sexi aniqlandi

       “Qoʻqonshahargaz” gaz taʼminoti boʻlimi va Prokuratura huzuridagi iqtisodiy jinoyatlarga qarshi kurashish departamenti Oʻzbekiston tumani boʻlimi xodimlari tomonidan 19-may kuni hamkorlikda oʻtkazilgan profilaktik nazorat vaqtida Oʻzbekiston tumanining “Ovchi” MFY Anjirbogʻ koʻchasidagi fuqaro M.S.ga qarashli noturarjoyda ohak ishlab chiqarish sexi aniqlandi.

        Noqonuniy sexda 120 dona gaz yondirgich orqali xumdonlarda ohak ishlab chiqarilayotgani maʼlum boʻldi. Holat yuzasidan dalolatnoma tuzilib, sarflangan tabiiy gaz hajmini qayta hisob-kitob qilish va jarima miqdorini aniqlash jarayonlari olib borilmoqda. Barcha hujjatlar huquqni muhofaza qiluvchi tashkilotlarga yuboriladi.
 

    “Hududgaz Fargʻona” GTF matubot xizmati

Manba: hududgaz.uz web sayti