#MurojaatgaMunosabat #Margilon

Ijtimoiy tarmoqlarda “Bir yildan oshdi, gaz haqini kimga to‘lashni bilmay boshimiz qotgan” sarlavhasi ostida murojaat tarqaldi. Murojaatchi tabiiy gaz to`lovi uchun hisob raqam ochib berilmayotganligidan shikoyat qilgan.

Murojaatga asosan, “Marg`ilonshahargaz” gaz ta`minoti bo`limining mas`ul xodimlari masala yuzasidan o`rganishlar olib borishdi.

O`rganish natijalariga asosan shuni ma`lum qilamizki, Marg`ilon shahar “Ipakchilar” MFY, “Qirq hovuz” ko`chasida istiqomat qiluvchi fuqaro D.Umarova yuqorida ko`rsatilgan manzilda haqiqatdan ham o`zi istiqomat qilayotganligi va ushbu xonadonga tabiiy gaz to`lovi uchun 2021 yil 19-aprel kuni № 079603-sonli to`lov chiptasi orqali 128056 so`m naqt pul shahar gaz ta`minoti bo`limi xodimiga to`lovni amalga oshirgan.

Gaz ta`minoti bo`limi xodimi to`lov chiptasiga qo`shimcha ravishda kerakli bo`lgan hujjatlar to`plamini shahar gaz ta`minoti mijozlar bilan ishlash bo`limiga hisob raqam ochib, shartnoma tuzish kerakligini aytgan.

Lekin, iste`molchi tomonidan kerakli bo`lgan hujjatlar (kadastr hujjati, fuqaroning pasport nushasi, shaxsiy hisob raqami va gaz hisoblagichning laboratoriya sertifikati) gaz idorasiga o`z vaqtida taqdim etilmagan.

Hozirga murojaatchiga yuqorida keltirilib o`tilgan hujjatlarni to`liq taqdim etilgandan so`ng, hisob raqam ochib berilishi haqida tushuncha berildi.

Manba: @v_sodikov