Ko`p beriladigan savollar.

    Gaz jihozlarida nosozliklar mavjud. Oshxona buyumlarini gaz qoraytirib yubormoqda. Shuni bartaraf etish uchun qaerga murojaat qilish kerak?

 Javob: O’zbekiston Respublikasi Vazirlar Mahkamasining 2018-yil 12-yanvardagi 22-sonli qarorida "Tabiiy gazdan foydalanish qoidalari" keltirib o‘tilgan. Ushbu qarorning 13 bob k bandida quyidagilar bayon qilingan: 

"gazdan foydalanish uskunalarini iste’molchilarning yozma yoki elektron buyurtmalari asosida gaz ta’minoti tashkiloti tomonidan tasdiqlangan tariflar bo‘yicha quyidagi muddatlarda ta’mirlash:

 - tabiiy gaz sizib chiqishida — darhol;
ovqat tayyorlash uchun mo‘ljallangan gazdan foydalanish uskunalarining nosozligida — bir kun davomida;
 - isitish mavsumida isitish uchun mo‘ljallangan gazdan foydalanish uskunalarining nosozligida — bir kun davomida;
 - issiq suv va isitish uchun mo‘ljallangan gazdan foydalanish uskunalarining nosozligida (isitish mavsumidan tashqari vaqtda) — ikki kun davomida;
 - gazdan foydalanish uskunalarini almashtirishda — besh kun davomida".

Eslatma: gaz jihozlaringizdagi nosozliklarni bartaraf etish uchun 24/7 rejimida faoliyat olib boradigan 104 raqamiga qo‘ng‘iroq qilishingiz mumkin.