"Hududgaztaʼminot" AJ mehnat jamoasining navbatdagi konferensiyasi bo‘lib o‘tdi

Joriy yilning 1-iyun kuni "Hududgaztaʼminot" AJ mehnat jamoasining navbatdagi konferensiyasi bo‘lib o‘tdi. Unda Jamiyatning 2023-2025-yillarga mo‘ljallangan yangi Jamoa shartnomasi loyihasi muhokama qilindi.

 

Tadbir ishtirokchilariga "Hududgaztaʼminot" AJning yangi Jamoa shartnomasi loyihasi ishlab chiqilganligi, unda xodimlar uchun mehnat sharoitlarini yaxshilash, ularni har tomonlama qo‘llab-quvvatlash yuzasidan qator yangi imtiyozlar va qulayliklar kiritilganligi to‘g‘risida batafsil axborot berildi.

 

Taʼkidlandiki, mazkur loyiha avval Jamiyatning quyi tizim korxonalarida, so'ng tashkilotning barcha boshqarma va bo‘limlarida ko‘rib chiqildi.

 

Mehnat jamoasi konferensiyasi yig‘ilishida bildirilgan fikr-mulohazalar muhokama etilib, "Hududgaztaʼminot" AJ ning kelgusi ikki yillik davri uchun yangi Jamoa shartnomasi loyihasi maʼqullandi. Konferensiyada Jamiyat kasaba uyushmasi faoliyatini yanada takomillashtirish bilan bog‘liq boshqa masalalar ham ko‘rib chiqildi.

 

"Hududgaztaʼminot" AJ matbuot xizmati