E'LON

     Fargʼona viloyatida avtomobillarga gaz quyish kompressor stantsiyalariga gaz yetkazib berish muddati cheklandi. Gaz shoxobchalarga soat 03:00 dan 15:00 gacha yetkazib beriladi.
Qish mavsumida tabiiy gazni yetkazib berishda texnologik rejim jarayonlaridagi gaz bilan bogʼliq ishlar bajarilayotganligi uchun Fargʼona viloyatiga keluvchi tabiiy gaz bosimida pasayish kuzatilmoqda. 

       Shu sababli yetkazib berilgan tabiiy gaz taqsimotiga koʼra, tabiiy gaz birinchi navbatda aholi va ijtimoiy soha obʼektlarini uzluksiz ravishda taʼminlashga qaratilgan.

        Viloyatimizdagi barcha haydovchilardan oʼz avtoulovlariga gaz toʼldirishda har kunlik belgilangan 03:00dan soat 15:00 gacha vaqt oraligʼida gaz toʼldirish ishlarini texnika xavfsizligi qoidalari asosida amalga oshirishlarini soʼraymiz.

        Shuningdek, viloyatimizdagi mavjud avtomobillarga gaz toʼldirish shoxobchalari avtomobillarga mazkur vaqt oraligʼida yoqilgʼi yetkazib berish quvvatiga ega ekanligini eslatib oʼtamiz.

    "HUDUDGАZ FАRGʼONА" gaz taʼminoti boshqarmasi axborot xizmati.